Guerra del Altu Karabakh

Guerra del Altu Karabakh
Parte de Conflicto del Alto Karabaj (es)
Fecha	20 febreru 1988 → 16 mayu 1994
Llugar	Altu Karabakh, Armenia y Azerbaixán
Causes	Disputa territorial ente Armenia y Azerbaixán.
Resultáu	Victoria militar armenia y cese del fueu tres el tratáu de 1994, robláu polos representantes d'Armenia, Azerbaixán y la República d'Artsakh.
Belixerantes
República d'Artsakh Apoyáu por: Diáspora armenia Mercenarios de la CEI Voluntarios osetios Voluntarios yazidinos Ayuda armamentística: RSS d'Azerbaixán (OMON)[1] (hasta'l 1991) Azerbaixán Turquía[2] Apoyáu por: Muyahidinos afganistanos Voluntarios chechenos Mercenarios de la CEI Ayuda armamentística:
Comandantes
Samvel Babayan Hemayag Haroyan † Monte Melkonian Vazgen Sargsyan Arkady Ter-Tatevosyan Anatoly Zinevich Isgandar Hamidov Surət Hüseynov Rahim Gaziev Shamil Basáyev Gulbuddin Hekmatyar Tehran Mənsimov
Baxes
4.592[3]-5.856[4]muertos ~25.000 firíos 196 desapaecíos 300.000 refuxaos[5] 25.000[6][7]-30.000 muertos[8] 60.000 heridos 4.210 desapaecíos[9] 800.000-1.000.000 desplazaos
[editar datos en Wikidata]

La Guerra del Altu Karabakh refierse conflictu armáu qu'asocedió ente febreru de 1988 y mayu de 1994 nel pequeñu enclave armeniu del Altu Karabakh, na rexón sureste d'El Cáucasu, una antigua provincia soviética poblada por una minoría azerbaixana y una mayoría d'armenios, arrodiada dafechu pola República d'Azerbaixán. El parllamentu del enclave votó a favor de la xunión con Armenia, lo que foi ratificáu nun plebiscitu que cuntó con una aplastante mayoría de la población favorable a la independencia. Les demandes d'unificación con Yereván, qu'abondaron a lo llargo de la década de 1980, desenvolvióse nun empiezu de manera pacífica, anque la presión autonomista xenerada énte'l colapsu de la Xunión Soviética a finales de la década llevaron apareyaos una medría de la violencia na rexón ente dambos grupos étnicos, lo que finalmente derivó en socesos de llimpieza étnica por dambes partes. A lo llargo del conflictu, tanto Armenia como Azerbaixán viéronse envolubraos nuna progresiva guerra ensin declarar nes zones montascoses de Karabakh pola intención d'Azerbaixán de reprimir a los secesionistes y irredentistes del antiguu óblast autónomu.

Esti conflictu tresformóse nel más grave de toos aquellos que se dieron tres la desintegración de la XRSS n'avientu de 1991. Los combates interétnicos empecipiáronse poco dempués de que'l Parllamentu local votara a favor de la xunión cola RSS d'Armenia'l 20 de febreru de 1988. Esta declaración de secesión de la RSS d'Azerbaixán foi considerada como'l resultáu d'«una rensía de llarga duración na comunidá armenia del Altu Karabakh escontra les series llimitaciones a la so cultura y llibertá relixosa poles autoridaes centrales soviétiques y azerbaixanes».

Xunto colos movimientos secesionistes de les repúbliques báltiques d'Estonia, Letonia y Lituania, el conflictu significó unu de los más importantes elementos na desintegración de la Xunión Soviética. La proclamación d'independencia d'Azerbaixán, siguida de la persecución masiva y asesinatos d'armenios, conocíos como "Xineru Negru", significaron la cooptación de los poderes exercíos pol gobiernu central en manes de l'alministración de Bakú. Una de les primeres midíes tomaes pola naciente república foi la de desaniciar el gobiernu provincial autónomu del Altu Karabakh, lo que provocó como reaición que la mayoría armenia de la provincia votara masivamente en favor de la creación de la República d'Artsakh.

La esguilada de la violencia acentuóse a lo llargo del iviernu de 1992 magar los intentos de mediación internacional patrocinaos pola OSCE, que fallaron nun resolución del conflictu y una solución concordada de les partes. Na primavera de 1993 les fuercies armenies ocuparon rexones fuera del enclave, nun intentu d'arreyar a otros países de la zona como Rusia o Xeorxa. Pa 1994 los armenios del Altu Karabakh non solo controlaben el territoriu propiu de la República, sinón tamién cerca d'un 14% del territoriu nacional d'Azerbaixán. Un altu'l fueu alcordáu en 1994 baxo l'auspiciu de Rusia punxo términu a la parte armada del conflictu, ente qu'un organismu llamáu Grupu de Minsk, supeditáu a la OSCE, foi establecíu pa poder realizar les respeutives negociaciones de paz.

1. ↑ Les fuercies especiales de la policía soviética fueron les que de mano enfrentaron la revuelta de los armenios y pasaron a llamase OPON tres algamar Azerbaixán la so independencia, desmovilizáronse nel 1995.
2. ↑ Balayev, Bahruz (2013). The Right to Self-Determination in the South Caucasus: Nagorno Karabakh in Context. Lexington Books, páx. 70. ISBN 9780739178287. «Turkey took the Azerbaijani position, showing special activity. It rendered active military help to Azerbaijan. In the Azerbaijani army there were Turkish officers-instructors and a group of the Azerbaijani men started training in Turkey.»
3. ↑ (en rusu) Melik-Shahnazarov, Arsen. Нагорный Карабах: факты против лжи.
4. ↑ Сумгаїт інфо (en rusu)
5. ↑ Global security - Nagorno-Karabakh
6. ↑ "Winds of Change in Nagorno Karabakh ." Euronews. 28 November 2009.
7. ↑ De Waal, Thomas (2003). Black Garden: Armenia and Azerbaijan Through Peace and War. New York: New York University Press. pp. passim. ISBN 0-8147-1945-7.
8. ↑ ECP. Annuario 2006 de procesos de paz. Vicenç Fisas páx. 83.
9. ↑ Ohanyan, Karine; Zarema Velikhanova (12 de mayu de 2004). Investigation: Karabakh: Missing in Action - Alive or Dead?. Institute for War and Peace Reporting.
10. ↑ Zücher, 2007: 179, tabla 6.1
11. ↑ Chorbajian, Levon; Patrick Donabedian, Claude Mutafian (1994). The Caucasian Knot: The History and Geopolitics of Nagorno-Karabagh. Londres: Zed Books. páxs. 13–18. ISBN 1-85649-288-5. Les estadístiques tán recoyíes pol International Institute for Strategic Studies de Londres nel informe The Military Balance, 1993–1994. La cifra de 20.000 de la República de Nagorno-Karabakh, incluyíos 8.000 voluntarios de la propia Armenia, militares d'Armenia nel informe fízose esclusivamente por miembros del exércitu, les estadístiques d'Azerbaixán que se refier a 38.000 miembros del so exércitu y 1.600 na so fuercia aérea. La referencia a estes estadístiques pueden alcontrase nes páxinas 68-69 y 71-73 del informe.
12. ↑ Drezner, 1999: 138, tabla 5.3
13. ↑ Brzeziński & Sullivan, 1997: 462
14. ↑ World Bank Publications: Paul Collier, V. L. Elliot, Håvard Hegre, Anke Hoeffler, Marta Reynal-Querol & Nicholas Sambanis (2003). Breaking the Conflict Trap: Civil War and Development Policy. Washington DC: Oxford University Press. ISBN 978-0-8213-8641-5.
15. ↑ Kaldor, 2000
16. ↑ Ana Catalina Joya Ibarra (2011). Análisis de la influyencia del conflictu por Nagorno-Karabakh na construcción d'un complexu rexonal de seguridá ente Irán, Rusia y Turquía nel sur del Cáucasu (periodu 1988-2008). Bogotá: Universidá del Rosario, páxs. 20.
17. ↑ Patrick Gorman. "The emerging army in Azerbaijan". Central Asia Monitor, No. 1, 1993.
18. ↑ Zücher, 2007: 179
19. ↑ DeRouen, Karl and Uk Heo (eds.) Civil Wars of the World: Major Conflicts since World War II. Santa Bárbara, California: ABC-CLIO, 2007, p. 148. ISBN 978-1-85109-919-1.
20. ↑ Taarnby, Michael. "The Mujaheddin in Nagorno-Karabakh: A Case Study in the Evolution of Global Jihad". Real Institute Elcano. 5 de setiembre de 2008.
21. ↑ Zucher, 2007: 178